。指點 fingershopping 已經開業、網購後任何一間OK便利店提貨。

以家網購對某D人唻講，好似已經係生活既一部份

因為懶呀嘛，去下拍賣網就可以睇到自己想買既嘢...慢慢安在家中咁睇

Y拍E拍嘛...一定要比信用咭...或者PAYPAL

淘寶嘛...無咩品質保證架...膽博膽...人民幣又升

終於懶人救星駕到，指點 -- finger shopping~!!!!

早前有幸出席finger shopping介紹會

係油塘既大本型進行...先到大本型既OK睇下finger shopping既加盟適店既產品

我個人覺得好多都好特別呀！至少唔係隨街都見到先，如果係隨街見到我駛鬼上網買咩！

介紹左一下finger shopping網購流程，我地就上左位於大本型平台花園既 bistro bistro Cafe & Lounge.

喂，邊食邊傾呀..肚餓呀

d嘢都ok好食..係個甜品...真係唔掂！

好啦！唔好掛住食啦！入正題先~

指點 finger shopping最大賣點係，佢結合左網上、網下"Click & Brick"既優勢，

包括左龐大既實體零售網絡、專業既配送同埋優質既客戶服務

只要你買左嘢就可以去300多間既OK拎貨，新張期內唔駛運費添架！

而且無信用咭既人，可以選擇去OK拎貨時先比錢，CASH又得..EPS亦得...得左~~

而且finger shopping除左有大家熟悉既優質品牌之外，仲搜羅左設計師品牌，社會企業以至到特小店！

大家都知，香港吋金呎土，地舖已經唔係咁容易比商店生存

一般就算間舖賣晒嘢有幾好，佢地都寧願搬上樓上舖，做口碑

變左...要搵好嘢就唔係咁容易...以家？一指一點...就搵到啦！

以呢個咖啡豆為例，佢從來唔會做零售係因為店主覺得...靚既咖啡豆係要即炒既

放係貨物架上太耐...已經唔靚~

今次佢有加盟，係覺得呢個流程可以配合到佢即炒既概念

有人落單，佢炒好...2日後就已經到客人手...品質真係有保證好多！

癲噹，我相信好多人都識，不少產品都搵過佢合作呢，

佢係一隻愛吃既開心貓(咁似我既喂)

今次EVENT仲有幸見到癲噹既爸爸John Chan 陳宇峰先生！

佢既商品不單多元化，有手機外置充電、筆袋、散子包、仲有被(左上圖)為左增加趣味加左唔少創意呢！

另外有間叫Dust Production，係三維打印，我曾經係電視道好似睇過介紹

今次親身接觸，三維打印係一種透過三維軟件創造既數位模型文件，

運用粉末狀金屬或塑料之類可合粘合材料，通過逐層粘合既方式構造物體

我覺得真係好新奇...手上既介指竟然係打印出唻？

我覺得好襯我個新袋呢~~其實我都好鐘意其他款架..不過我手指太粗戴唔落呢

今次有閃閃同Midori陪我出席好開心！

最後仲收到禮物

呢個袋就係大家買左嘢時係OK拎貨時會見到架..((除左你D嘢太大就會用箱既))

裡面有一個FILE同一個匙扣..可惜呀！癲噹果隻我鐘意BABY呀...

當大家諗，喂！你又話安坐家中可以指指點點就買到嘢既

係..佢係比Y拍果D方便..唔駛用VISA...PAYPAL

係比淘寶有品質保證...但人地可以寄到唻屋企或者公司喎？

唔駛怕，話明finger shopping又豈會浪得虛名，佢地仲提供左運送到公司或屋企

不過就要另外收費，唔會收多你，佢地搵既係宅配便速遞公司..佢地收幾多...fingershopping就收返幾多~

好啦，我既介紹就係咁多，大家可以上去佢地個網站睇下...

http://www.fingershopping.com

https://www.facebook.com/FingerShopping?fref=ts

以家登記成為會員，即送你HK$50電子現金券tim呀喂！即唔啦啦聲？

.

有問題很歡迎EMAIL我：isa_yly@yahoo.com.hk

Avancé Lash Serum Ex 助你變迷人大眼！

早前我有幸出席Avancé Lash Serum Ex 美目 • 新革命發佈會！

在尖沙咀The Mira Hong Kong 宴會廳進行

當日所有產品都可以即場體驗~

我就非常喜歡佢呢支AVANCÉ Joli et Joli et Liquid Eyeliner超完美防水持久眼線液筆

呢道有詳細產品資料！>>點我<<

佢有啡色黑色之選，我鐘意佢既原因係，佢真係防油！

點解我即場都可以test到？我平時行街都係咁試d產品

就係劃上手後...印一下面油，再捽就知！因為我係超級油眼！bb級化妝班既我...

之前請教一眾sis問邊隻Liquid eyeliner好，大家都推薦K字頭既..可惜原來我隻油眼係唔掂...化到趴街

面油同眼出既油應該係一樣，所以我會咁試((雖然好似有d核突XXD

在場有PENCIL款既眼線筆就唔太岩我了...

另外仲有好多好多產品！為免令篇文太長太悶就GROUP埋一齊~

既然咁多眼妝產品，當然唔少得卸眼專用液啦！

卸完又點少得保養一下隻眼呢？哈哈哈哈~~~~

開始啦開始啦~

司儀楊洛婷小姐開始個發佈會了！

再請左AVANCÉ日本代表八木社長Shoji Yagi去作產品介紹

之後Shoji Yagi以廣東話((定國語呢？))唔太記得...作總結...我聽得明架！好叻呀！

再請到TVB心戰沙畫師海潮先生做表現~

好鬼勁！~目不暇給....

最後請左星級化妝師WILL OR同一班化妝師出唻介紹唔同既眼妝

另外果D化妝師係枱下，幫各MODEL化妝不同眼線妝！

最後請左3位SIS上枱分享我掛住聽忘記拍照

時間過得好快....已經要大合照了

差點忘記分享食物...當日仲有精美點心呢~

完結後收到avance既產品試用！尖叫...yeah！

後續

完左後仲同一班SIS HIGH TEA...分享下減肥呀...美妝呀...傾得好開心呢！

有問題很歡迎EMAIL我：isa_yly@yahoo.com.hk

。莎莎星級化妝師彩妝工作坊！。

係早前，參加左莎莎既彩妝工作坊~

仲由星級化妝師JANICE LAM 教，我不知幾期待！

我不嬲都幾鐘意JANICE架啦！

當日我完EVENT後要去飲，我又一直擔心呢個EVENT只係我坐係道聽同睇試範，

所以我係有化少少妝去...怕去飲素頻就唔好

上堂前我地係咁既樣

我自己傻..小雪話係可以動手自己試妝的....

無法啦...唔化都化左...到時先算了

主持人介紹JANICE出唻了！

JANICE原來話可以一個一個STEP教我地，所以有化妝既人要卸妝

無化妝既人都要抺一抺下面，話晒香港氣空唔多好又多塵呢！~

卸妝後...唔單只卸了，仲由護膚開始做起！

有TONER同CREAM我地搽返呀！

缷妝後我就咁既樣

本身明明小雪係諗住學BABI依住我影張小鳥依人...點解會差咁遠既XD

之後開始講時我都好專心聽，不如睇下到底工具有幾齊全？

HD果隻粉底同BASE仲係新出TIM架~

真由底妝，眼影、唇彩、掃、粉、遮瑕、睫毛膏、胭脂………應有盡有架！

當日既MODEL我覺得皮膚好好又好瘦，不過佢黑眼圈真係好嚴重...都算係可以作個好試範

打底霜都係分左3隻色去調膚

我都係揀左中間果隻..我皮膚較黑嘛~

佢D質地都幾輕同乾爽~

粉底，佢有1-3號，JANICE講呢個世界無一支係可以完全合自己膚色

所以都係要混色的，在場都仲有好幾個莎莎既專業化妝師去從旁協助我地

我隔離果位同學幾認真咁混緊岩佢既色！

JANICE當日仲有教我地點樣楂果舊三角粉卜

重點來了，遮黑眼圈

呢個係教緊我地畫眼線後..個尾唔夠尖唔緊要

可以用棉化棒作後期輔助

你家中應該有唔小心買深左既粉底吧？

大師JANICE就教我地可以用唻，咁大家又唔駛放係屋企浪費左了！

MODEL完妝後真係亮麗到爆！

係過程中我真係影左唔多相，因為一拎起相機就會分左心

未必聽得清楚講緊咩....我好專心咁學習緊...

最後我地就變成咁既樣

小雪都話靚過我之前自己屋企化果個

當然了！化妝技巧我仍然處於BB班

我努力學習緊架啦~~

之後我本來都唔係好敢去搵JANICE合照

一來怕人地好忙，因為完左佢仲要返去教佢自己既學生

二來我好怕我呢個大隻妹拼落人地細細粒隔離顯得仲肥呢...

最後當然唔理啦！合照左先算~

我同小雪都合照返一張先啦喂~

完左之後莎莎仲送左D COUPON同小禮物比我地！真係好開心呢~

好多謝莎莎比左呢個咁好既學習機會我...

亦比我機會我接觸多左莎莎既自家品牌，因為我用開既係得佢地既一盒眼影~

其他既..好似卸眼果支嘢真係好好用呢！我會去入手！

有問題可以聯絡我MAIL：isa_yly@yahoo.com.hk