Isa Yung努力脫變網誌

2013年8月13日星期二

。我的脫疣日誌PART 1 。 Aquarius Beauty - 水瓶座醫學美容中心。

我既疣，拖拖拉拉至少都有3年，當然初初開頭果陣根本唔知係咩唻。

到2011年尾好想脫，問過我睇開皮膚既醫生話要5千打一次我又再考慮

試過中藥搽既..失敗左

到最近係FB見Aquarius Beauty - 水瓶座醫學美容中心猛打廣告288有試做

我上去之前有2個想法：

1. 如果$288已經可以搞掂，咁就好啦((我都知呢個係有D妄想))

2. 我預左比人SELL..只要果個價我覺得OK..我會JOIN

所以上去之前既SIS要有心理準備，如果唔想JOIN，你係可以企硬去試288，

唔好理佢講D咩，唔好理佢花幾多時間說服你

我有朋友覺得我JOIN左好似比人呃左咁，明明講明288，點解最後我要用左XXXX架？

呢D真係你情我願的。

我去到既時候，有個女人正在大吵大鬧，好似係關於BOOKING問題...

果陣都驚一驚....之後我被安排入一間房填表

佢地亦好快安排好個女人，我填好表後，就進入咨詢程序

未講D咩時我已經表明我好怕痛！((這點好重要

))

佢見我又多又大粒，講話我其實比較適合做傳統既[脫疣機]

我問左幾次時佢都唔係好答到我用咩方法，只係講一D能量令佢會結焦之後甩就無左

而且亦唔係做一次可以((呢點我明白的))

佢講完價錢我覺得我可以試一次，至於JOIN唔JOIN我話等我做完感覺下先！

無咩糾纏下...我既脫疣日誌展開序幕

首先係普通既潔面程序

之後就塗上"舒緩膏"

再蓋上保鮮紙，呢一PART等得比較耐
據BA講係因為怕我痛，耐D會好D

之後就電，的確係無咩點痛，係某D位會痛少少
脫既過程我問過美容師問題，不過我無論問咩佢都好似無答我咁"嗯"
就帶過了，亦好快脫完

出到去...BA佢都好細心再問我有咩不滿，
我同佢講美容師答唔到我問題兼且到以家我仲未到所謂既脫疣機係用咩方法令我D疣無左
佢就話係電波，終於講到係用電的，我就話我脫既時候覺得好似我陪朋友去脫癦既機咁？
佢就話機種同機頭都有所不同，好，我總算明白了
到最後佢算係為服務方面不足及時補上~

佢係要我用消炎藥膏...搽結焦位
唔...本身我諗住佢拎出唻比我睇下時我可以望下或者影低自己出去買
點知佢係用自己公司罐放..我無奈購下，因為我唔想為左呢D錢
而令我塊面有咩事時有機會推卸係因為我自己買左D唔知D咩既消炎藥膏
呢罐嘢都XXX架

回家後我影低左，之後都會KEEP住影係變成點既樣
今次佢只係集中左我面側面咁打
唔想我太過花面出去..而且有D痴太埋都怕我負荷不了

會見到紅圈位置有好多都未打到的...我下次會留意佢會唔會打！
因為我個價係包打全面的

過幾日FOLLOW UP一下我結焦情況！

我同朋友一齊開既分享PAGE，支持讚好一下呀XD

請關注我 (*^－^*)

⊱Yahoo Blog⊰ ⊱Blogspot⊰

有問題可以聯絡我MAIL：isa_yly@yahoo.com.hk

2013年8月12日星期一

。香港髮型協會：愛護髮課程。

早前有幸獲香港髮型協會*E-SAKI既邀請出席愛護髮2小時既課程

上到去位於太子既課室，地方不算大，算係麻雀雖小五臟俱全吧~

要講既都好齊產品、工具，課室另一邊仲有洗頭床的

今次主講係Kelvin Lin

佢對頭髮既認識甚豐，雖然佢不斷講左幾次佢自己d頭髮好"健康"...哈..知道啦~!

開始時仲做左個關於矽磷既小實驗，

矽磷係普遍巿面上既護髮素都存在的，矽靈效果讓頭髮柔順，長期使用後卻導致頭髮背矽靈覆蓋，

後續的護法無法進入的情況發生，髮質反而變差。

但為左消費者用後既良好感覺，仍然好多會用

先在匙上倒上護髮素

點火

迅間出煙燒著

著火了...((呢張相我係電腦打開後...突然覺得..乜咁似吸毒相既XD...講下笑))

燒完後就會殘留係匙上，其實一樣會殘留係我地頭髮道

而KELVIN就另外燒一D無矽磷既護髮素

我見到點著有困難，燒完後係咩都無的

跟住講下染髮，見到雙氧奶同染髮膏真係無限懷念

我諗無幾多個人知我做過髮型屋，果陣日日都係對住呢嘢，日日係道左溝右溝~

其實電髮果PART對一D普通人又唔需要做髮型呢行既人，

深入左D...不過KELVIN都好好心機講

原來做得好護髮，仍然係有轉機的！

我係動蘋果讀者，所以早前講一D名人都推介既產品

原來係用時出煙會釋放出甲醛，KELVIN話原來暫時都有技術可以做到無甲醛

最慘還係髮型屋既人，因為日日要吸到，會致癌，而客人只係短時間影響唔會太大

其實都無諗到都獲益良多，會有咁多可以學，教我地點樣睇產品成份，

選自己適合既！短短2小時...我袋左錢落袋架！

完左個課程仲有證書！同埋極光Quality - 極致亮澤晶膜 (試用裝)

極光Quality由多種植物性精華滋養修護髮體，賦予髮絲一層防護膜，

隔絕外在的高溫、氧化傷害，可防止靜電對抗毛躁，修護表皮層，

預防鱗片擴張養分流失與打結問題，使觸感順滑好梳理，造型後使用，

加強亮麗色澤，提升質感造型。

用後唔駛沖水都幾方便出街前整一整我把草...

今次咁岩仲有小雪陪我上堂，真係好開心的一堂！

E-SAKI FB LINK

http://www.facebook.com/esaki.hk

我同朋友一齊開既分享PAGE，支持讚好一下呀XD

有問題可以聯絡我MAIL：isa_yly@yahoo.com.hk

2013年7月30日星期二

。我想分享好耐既去頭皮洗頭水head & shoulders？clear？。

我差唔多一個月無寫文啦...因為私事亦因為身體

私事就唔提了

身體就周身痛，最近無啦啦患左筋膜炎，右腳腳踭好痛呀！

呢2日終於好返d...至少落床無再拐下拐下！

腰痛係自從公司換左張大枱比我就係咁....我試過好多方法都仲係咁痛(例如加d嘢墊下腳)

算啦...呻完，入正題~

其實我細細個就已經有頭皮困擾既問題

嚴重到我係去左睇街症的

好記得果陣醫生就開左一d洗頭水我返屋企用，水狀，難起泡

所以好難洗咁..但真係好左，可惜無用就返唻

中學時期仲成日比人笑頭皮怪，甚至有同學問我點解會有餅乾碎係個頭道

大個仍然會有呢個頭皮問題

直到我用左呢支嘢...就真係大有改善

果陣仲賴得戚，以為自己好返無事...直頭忘記左自己係多頭皮既人
到有L牌試用時仲成SET比左我，我仲滿心歡喜去試~
仲覺得好好用...因為頭髮滑左好多！
點知大約3,4個星期後，頭皮唻啦！結到一舊舊，無論我點日日洗都係咁
就知，我根本唔可以用L牌！
早2個月果陣，我又得到一個標榜係去頭皮洗髮水，就係佢~
[flash=ytb]http://www.youtube.com/watch?v=2MNhLerXg6g[/flash]
至從上次既經驗話我知，一個洗頭水岩唔岩自己用...真係唔係話14日就可以試得出！
所以今次我試得清清楚楚先再出呢篇文的

今次試既係水護型，我手上仲有隻係控油的，我覺得果支應該岩我D，不過我未開

佢吱出唻好奶狀，味道算係花香~

佢就咁係手上都好容易起泡

洗頭前，紅色果道係染過唻，好旱下

我專登仲要唔落護髮素，因為佢話係比H&S補濕，我故意刁難

的確係比H&S補濕好多
但佢有個奇怪之處，我個人覺得佢洗頭水既香味係我吹頭加熱時
陣味會變得怪怪地~

試左2個月後，我覺得CLEAR係比H&S補濕
至於去頭皮既能力，我仍然覺得H&S係略勝
因為CLEAR佢仍然會有少少既頭皮結一舊，但唔多
佢地價錢好似係差唔多
所以頭皮無我咁嚴重既人選CLEAR，會補濕D...頭髮比較順滑
頭皮有我嚴重者，H&S仍然係首選，而且我好鐘意佢洗頭時涼涼地既感覺
好，分享完畢！

我同朋友一齊開既分享PAGE，支持讚好一下呀XD