佢地請左上個月剛破健力士紀錄既車志健先生Brian唻同我地邊食早餐邊講早餐既重要性！
老實講，我其實又點會識Brian...但佢絕對係一個好好既演講者..令我聽得好投入！
最記得係...點解佢要破呢個世界紀錄？
為何車志健要挑戰極為艱辛的馬拉松式高爾夫球擊球紀錄? 身為明星教練，練就了強健的身軀，
但面對好友忽然遇上意外，自己卻無法幫上忙。「我希望盡我所能協助好友的家庭渡過難關。」車志健說
當時聽講佢地已經籌到了七位數，
佢香港星級健身教練車志健(Brian Cha)成功打破健力士世界紀錄，
連續12小時將9,959個高爾夫球打到100碼外，比自己原定8000球嘅目標更高，
打破左英國人Steve Purdy於2010年創下7,917球嘅紀錄, 真係華人嘅驕傲！
Brian不但外表俊朗...仲風趣幽默
佢話食早餐既重要就係好似開車要入油咁...想消耗脂肪都要有力去消~
唔食...只會令新陳代謝減慢...
我其實係一個成日減肥既人...跟過營養師...又睇過好多資料..所以對減肥有一定概念
不過Brian仍然可以袋到錢入我袋
佢提及，原來日本既相撲手...咁大隻..一日食幾多餐飯？答案只係：2餐！
以我地1點鐘食lunch，7點鐘食dinner，中間果段時間太長了...一定要有下午茶
除左早餐，最重要既竟然係我地既tea？！
早餐佢就話必定要有：蛋白質
晚餐最好無飯，因為夜晚唔會去跑馬拉松去消耗佢~
好，邊食邊傾啦喂~ 我最鐘意仍然係早晨全餐...因為我鐘意炒蛋
配上朱古力~
其實唔食早餐..真係會恰眼訓...同埋個人都攰d架！
我覺得減肥同Brian破紀錄一樣，要無限意志同耐力...
呢個咁既配搭...都已經足夠早餐既補充~
我地event既第二日，適逢係mcdonald搞既全港早餐日
我睇返報紙，好多人受惠呢~!
因為我地呀midori 佢好鐘意點茄汁，有人就問茄汁係咪唔好架？多糖？！
Brian就答，原來蕃茄好特別，煮熟左之後，我地食左就會有種抗癌既物質係道
而茄汁正正就含有呢樣嘢....反而鮮搾既就無架喎~
當日講既既嘢都太多，其實有咩問題...可以上佢個fans page道留言，佢會答大家
啊！仲有樣好值錢既！Brian提到，學識揀任食先重要過做運動
一日三餐咁計，一星期就有21餐，當你勤力地5天運動
但飲食出錯，就是有21個出錯既機會...21:5既比例，大家識計啦！
當你21次既出錯..好難用5次去彌補....所以要好好學識"揀飲擇食"
mcdonald好適合三五知己撐枱腳
食完個早餐我就心情靚靚
最後仲有幸同Brian合照，今日你講既嘢聽得我津津有味！
第一次同咁勁既人合照呢！
最後mcdonald仲派左d小禮物比我地
姑姐都話呢張青瓜好醒眼~
我見到個魚柳包就愛不惜手
沒有留言:
張貼留言