。美肌之誌 淨白補水面膜 升級版，脫疣其間都岩用！。

台灣既Paper Mask品牌真係多不聲數

來左香港上架既，亦都唔少

但大家就算未用過，都應該聽過美肌之誌~

至少大家睇電視時都會睇到廣告

無錯，今次我試既係佢新出既淨白補水面膜

亦係我第一次試用美肌之誌

佢呢個係升級版，2倍玻尿酸

不過美肌之誌佢產地雖然係台灣，不過呢，護膚系列以日本為研發基地架~

大家有睇過我之前的文既話，都知道我其實脫緊疣

係脫疣其間其實忌用美白產品

所以第一眼見到呢個產品名都驚一驚，咦？岩唔岩我以家用架？

再細睇，原來佢主要功效係去皺、保濕、修護

咁唔駛驚啦！而且係我脫疣其間最重要就係補濕同防曬的

我發現佢盒底有個雷射標籤，原來要唻防偽架！咁大家第時可以留意下了！

美肌之誌既paper mask其實分2個系列：<<經典面膜系列>>、<<隱形面膜系列>>

我今次試呢款係屬於經典的

佢個蘆薈仙人掌花保濕好吸引呀！

隱形面膜就少d款

但係屋企敷唔想嚇到屋企人最好就係呢d隱形mask...

好啦，講咁耐，開盒先！

我覺得佢係每塊mask上面都印左有效日期好貼心，

我相信唔駛sis都有好多mask係手，有時大家未必會留住個盒係手

每張都印有時，就唔怕掉左盒唔知幾時過期而誤敷過期mask

係敷前做個水油測試先，呢次我都係沖完涼出唻敷...

差..係..正常..我塊面真係...差=  ="

佢呢款mask拎出唻都係有塊膠咁連住，方便你去分離

我覺得都幾貼面，質地真係厚好多

側面睇一下

唯一係，可能我塊面真的太大了...佢覆蓋既位唔fit我了...

額頭都遮唔晒

佢盒上面係印有使用方法

不過我覺得敷mask真係因人而異，因為每個人面乾既程度都唔同

雖然佢係寫15-20分鐘，唔知係咪我最近懶左敷補濕，我敷左大約10分鐘已經覺得有乾乾地既感覺

就不敢怠慢了，立即卸下面膜，敷下頸，我怕佢倒抽走我面上既水份

卸下後我又大約等了10分鐘吸收下先再做水油測試

所以效果唔會話好特出的，同埋我自己覺得當晚敷完係有d立立地

但過左2, 3日後就覺得佢算係long lasting...感覺面仲係有補水感

至於佢袋袋入面所餘既精華好少

總括佢既mask都算唔錯，開架唻講又唔係貴，一盒都有十片

希望大家鐘意我呢次既分享

我同朋友一齊開既分享PAGE，支持讚好一下呀XD

請關注我 (*^－^*)

⊱Yahoo Blog⊰   ⊱Blogspot⊰   ⊱QooZa⊰  

有問題可以聯絡我MAIL：isa_yly@yahoo.com.hk

。日本岡山県白桃和葡萄。

在早前，有幸出席OKAYAMA PREFECTURE EVENT...

試驗到美味既白桃跟葡萄，同有廚師教授簡易既桃食譜

令我過左一個愉快既下午。

去既地方是一個位於中環既唐樓裡面，唔單只有開放式既廚房

仲有長枱，另一邊仲有佈置優雅既梳化位置。

日本岡山縣被譽為[水果王國]，係岡山藉著瀨戶內既溫暖氣候，

較少天然災害既天然優熱，長年累月累積經驗栽培技術，堷植出他們引以為傲既水果！

岡山夢白桃 $300 @ 1個                                       翡翠綠葡萄 $500 @ 1抽

佢地既水果邊道有得買？

其實佢地今天夏天已經聯同日本第一網絡商店樂天Rakuten與及city'super超巿合作出售

當中夏季成熟既白桃同葡萄，係岡山縣既水果代表作！

我地先係梳化區，深入淺出咁了解左岡山県既白桃葡萄既背景後

就開始由廚師alex教我地2個簡易既食譜

第一個食譜係

白桃金寶

材料：

白桃                一個

低筋麵粉        50克

無鹽牛油        30克

啡糖                15克

做法:

1.      白桃去皮切厚片, 放在焗杯內

2.      將牛油及麵粉, 以指尖快手搓成粗碎粒狀;

3.      加入啡糖拌勻, 灑在白桃表面;

放入180-200度預熱焗爐內，烘焙至金寶面成金黃色。

廚師alex經常笑容滿面好nice呀~

我將牛油跟麵粉混合時，失敗了，太濕

如果有人同樣做時出現呢個情況時可以放佢入雪櫃，等佢乾身返d再整過

所以最後轉由阿mi重新再搓過，要變成粒粒乾乾地先ok架...之後再加入糖再搓

準備放入焗爐啦！

係焗既時候，我地就稍作休息

先就咁試下個岡山夢白桃係咩先啦喂！

我個人感覺佢好juicy，肉質偏嫩滑，桃汁好清甜

白桃分成五種：白鳳、清水白桃、岡山夢白桃、本白桃、白麗

圖中相見既係【岡山夢白桃】

正如其名、是實現岡山夢想的新品種。

這個岡山夢白桃、雖然果實很大、卻擁有很細膩的味道、

加上有美麗的外觀和高甜度、可說是全新類型的白桃。

平均一顆有350g～400g，非常大顆、其中更有達500g的、因為外觀美麗可當成贈禮用、

受歡迎程度接近清水白桃、人氣處於快速上升中。

（產期是8月中旬左右。）

而且食白桃既方法係有重點既！一般我地都會認為生果放入雪櫃，無咁易爛，

但白桃唔得架，只要白桃附係樹枝上既地方已經無綠色部份就代表佢地已經熟可以成用。

係食之前約2個小時放入雪櫃稍微冷凍左會仲好食

但長期放係雪櫃會令桃原有既香氣同甜味都降低，唔食既時候常溫保存，盡快食。

雪住或者陽光直接照都會令個桃受傷架！

之後alex就趁仲焗緊既時間教我地整雪糕

白桃乳酪雪糕

材料：

白桃                1個

原味乳酪        100毫升

淡忌廉            60克

檸檬汁            少許

白砂糖            40克

"想有d檸檬香味可以整少少檸檬皮落去一齊搞"

做法:

1.      白桃去皮切粒,

2.      把所有材料放入食物處理機攪切成漿,

3.      放進冰箱冷卻至凝固

呢個時候alex仲教我地點樣切桃

一般人都會中間切開再扭，呢個方法係唔work架！佢教我地要沿住個核避開咁切

(佢做緊錯誤試範我地睇，係扭唔到出唻的)

因為要凝固既關係alex已經準備好比我地

可以就咁食，又可以再放入個雪糕機搞一搞佢...

就咁...就搞掂了！

其實我覺得梗係好食過出面果d雪糕好多啦！d桃勁清甜架大佬！不過似雪芭多於雪糕

好！我個crumble都出爐啦！勁香呀！

未食已經超開心！仲可以試埋翡翠綠葡萄，有冇見到我隻碟有呀？

【Shine Muscat（翡翠綠葡萄）】

粒大的果實連皮整顆都能食用、無籽。具有獨特果香味、口感清爽的新品種。

甜度有20度、較無酸味、一定讓您有「吃了甜葡萄」的滿足感。

岡山產的Shine Muscat、因為品質穩定和擁有美麗的外觀、

被期待為下一任岡山葡萄的代表。

［產期是7月上旬〜10月下旬］

好開心今次2個人一組，係同阿mi一齊唻！

返到去我已經將我果2個白桃分享左比我最愛既家人一齊食！

邊切邊滴果汁呀...超多

我同朋友一齊開既分享PAGE，支持讚好一下呀XD

有問題可以聯絡我MAIL：isa_yly@yahoo.com.hk

。我的脫疣日誌PART 1 。 Aquarius Beauty - 水瓶座醫學美容中心。

我既疣，拖拖拉拉至少都有3年，當然初初開頭果陣根本唔知係咩唻。

到2011年尾好想脫，問過我睇開皮膚既醫生話要5千打一次我又再考慮

試過中藥搽既..失敗左

到最近係FB見Aquarius Beauty - 水瓶座醫學美容中心猛打廣告288有試做

我上去之前有2個想法：

1. 如果$288已經可以搞掂，咁就好啦((我都知呢個係有D妄想))

2. 我預左比人SELL..只要果個價我覺得OK..我會JOIN

所以上去之前既SIS要有心理準備，如果唔想JOIN，你係可以企硬去試288，

唔好理佢講D咩，唔好理佢花幾多時間說服你

我有朋友覺得我JOIN左好似比人呃左咁，明明講明288，點解最後我要用左XXXX架？

呢D真係你情我願的。

我去到既時候，有個女人正在大吵大鬧，好似係關於BOOKING問題...

果陣都驚一驚....之後我被安排入一間房填表

佢地亦好快安排好個女人，我填好表後，就進入咨詢程序

未講D咩時我已經表明我好怕痛！((這點好重要))

佢見我又多又大粒，講話我其實比較適合做傳統既[脫疣機]

我問左幾次時佢都唔係好答到我用咩方法，只係講一D能量令佢會結焦之後甩就無左

而且亦唔係做一次可以((呢點我明白的))

佢講完價錢我覺得我可以試一次，至於JOIN唔JOIN我話等我做完感覺下先！

無咩糾纏下...我既脫疣日誌展開序幕

首先係普通既潔面程序

之後就塗上"舒緩膏"

再蓋上保鮮紙，呢一PART等得比較耐
據BA講係因為怕我痛，耐D會好D

之後就電，的確係無咩點痛，係某D位會痛少少
脫既過程我問過美容師問題，不過我無論問咩佢都好似無答我咁"嗯"
就帶過了，亦好快脫完

出到去...BA佢都好細心再問我有咩不滿，
我同佢講美容師答唔到我問題兼且到以家我仲未到所謂既脫疣機係用咩方法令我D疣無左
佢就話係電波，終於講到係用電的，我就話我脫既時候覺得好似我陪朋友去脫癦既機咁？
佢就話機種同機頭都有所不同，好，我總算明白了
到最後佢算係為服務方面不足及時補上~

佢係要我用消炎藥膏...搽結焦位
唔...本身我諗住佢拎出唻比我睇下時我可以望下或者影低自己出去買
點知佢係用自己公司罐放..我無奈購下，因為我唔想為左呢D錢
而令我塊面有咩事時有機會推卸係因為我自己買左D唔知D咩既消炎藥膏
呢罐嘢都XXX架


回家後我影低左，之後都會KEEP住影係變成點既樣
今次佢只係集中左我面側面咁打
唔想我太過花面出去..而且有D痴太埋都怕我負荷不了


會見到紅圈位置有好多都未打到的...我下次會留意佢會唔會打！
因為我個價係包打全面的

過幾日FOLLOW UP一下我結焦情況！

我同朋友一齊開既分享PAGE，支持讚好一下呀XD

請關注我 (*^－^*)

⊱Yahoo Blog⊰   ⊱Blogspot⊰  

有問題可以聯絡我MAIL：isa_yly@yahoo.com.hk