睇唻佢地都覺得我好有需要喎！
香港我最近留意到好多女仔，佢地係瘦，但個形真係唔多好睇
尤其下腹會有個肚凸左出唻(我知..我知我肥無資格講人)
不過見到佢地總有種"恨鐵不成鋼"既感覺~
佢地只差少少，就已經有個好正既身形..唔似我...離好遠...
我相信，呢支塑形纖體霜好岩我所講既女仔用...
講咁耐..睇下個盒先都好喎大姐
哈...個盒有個美女做緊一個超高難度既動作...令人羨慕既柔軟...我老了..硬繃繃...
今次莎莎都有溫馨既MEMO提示(我無影)
佢講每晚訓覺前花少少時間，係局部位置按摩按壓，可以達致以下效果：
。重塑線條
。減少脂肪團積
。肌膚亮澤又緊緻
咁唔難做到咁喎...400ML..我咁肥都應該可以用好耐呀喂！
我諗大家都好注重用既嘢產地係邊道吧！
MADE IN ITALY...信心澎澎聲咁加強左
佢吱出唻有D淡綠既FEEL，唔會痴立立~(或者係我皮膚太乾@@")
我試過，原來無論我係沖涼前定沖涼後用手捽...都會有D擦字膠碎咁出唻....
(初初無留意仲以為係自己D老泥XXXDDD)
我主要局部係做大髀同肚腩
講到呢道，我想分享一個唔太開心既經歷比大家聽下
我之前平時都會去各大美容既地方去做下D人手通淋巴咁
縱使好多人都話無咩用..但我總覺得唔多唔少有幫助我血氣運行...所以有時有試做價我都會去
有一次我去一間都幾有名的店試做，
試做完個CS就同我講：頭先纖體師話你大脾硬過幅牆喎！好塞喎...你真係要JOIN...
我知我係好實肉！都唔駛咁講呀！我話唔JOIN後..個CS直情掉低我係道唔理...
我都唔知自己走得未，最後我自己離開的...
我知...佢講既係事實...都無必要咁傷人
所以今次...用呢支塑形纖體霜，我無用手按..因為我唔係做呢行好難有力水咁按個十五分鐘
最後...我靠佢！
其實之前我都有介紹過佢架啦...我覺得好正！
以家著光..係有埋暖既功能...應該會令佢更吸收！
按大脾既情況就係咁...搽左後就放隻大脾上去..我就邊睇電視~
好快就十五至二十分鐘...仲會按到好慶TIM架<<不過應該係個機既事..唔關個支霜事
其實我有度用前同用後既吋數，但請放過我...我唔想公開數字嚇死你地
2個星期(我無日日做，有時太夜返，按完肚...攬住個按摩器已經瞓著左@@"..無做腳)
但大約都有可以修到2cm度既形....效果不俗架~
collistar仲有另一隻應該係可以配合用更work既
大家有興趣不妨去莎莎睇下啦喂！
請關注我 (*^－^*)
⊱The Ztyle⊰ ⊱Yahoo Blog⊰ ⊱Elle Blog⊰
有問題很歡迎EMAIL我：isa_yly@yahoo.com.hk
沒有留言:
張貼留言