但我去台灣時，已經深深愛上Etude House！
每次去襯台灣都會去買嘢，亦成日諗，點解香港無架！
好啦！好啦！比我恨到啦！香港第一間既Etude House今日開張啦！
係琴日，率先由傳媒同blogger體驗新店環境！
老實說，香港舖位，真係寸金呎土，雖然係咁...但正所謂麻雀雖小五臟俱全！
我一入到去，靚女ba就問我有咩最有興趣，可以為我介紹
我第一下就講甲油了...一支箭就行左過去！
嘩嘩嘩！果然仍然係款又多色又靚！花多眼亂呀！
我聽朋友講，佢d甲油貴韓國幾蚊...我覺得ok la...唔駛山長水遠搭飛機請假去喎！
阿MI仲比我迫佢試呢隻熒光綠...鬼叫佢同你個電話殼咁襯咩！買啦買啦XD
之後再去睇eye liner~
呢支個設計實在太好用，一邊係轉出唻既筆芯，一邊係擦頭形
售價 $58
支支個影都好靚架...配搭係咁樣...下係筆上係擦頭
最後...因為tata既誘惑下...購買左墨綠色果支...好正~~
呢隻閃死人eye liner係圖下圈住果四支
我爭札左好耐，到底要支無咁閃可以平常用定要支銀色勁閃呢？
最後我要左支銀色既！閃盡佢！售價 $48
之後就四圍睇四圍影四圍八！好多嘢睇呀...樣樣鐘意...點算好！
俾大家睇下個環境！
一眾sis都對各產品甚感興趣呢！！靚女ba亦好好人耐心介紹~
呢個面膜聽MAG MAG講係特別牌，我對個CHIN好有興趣！另外箭嘴指住既係TATA同MAG MAG甚感興趣既！
呢支真係好岩我朋友，ba話係去腳既"雞皮"(意指黑色果d點點)
但用既方法千祈唔好錯，係拍打式，唔係搽上去~
呢個髮膜都係ba推薦既，圖右你會見到，右邊放住既係帽...左邊係髮膜，方便大家用完即棄
售價 $40
之後行行下見ba講緊bb cream就聽下
原來etude house為左配合香港人膚色，bb cream都專登出左隻係專for 香港人的
支掃係送埋架~
大家或者會問，香港既Etude House有冇好似韓國送咁多嘢架？
其實送既方法就好唔同既~
例如以家新開張有
另開買滿一百就有個印花，二個就已經有禮物，之後係四個...八個咁...好易儲架咋！
我自己就好忍手之下買左少少嘢啦...我最近窮到燶呀XD
eye lines頭先都有提過啦...以家再影清楚d俾你地睇
佢對我唻講最大考驗係睇佢會唔會好易化...遲下再同大家講~
甲油！係我大大大愛！呢隻色，係我恨左好耐，少少白少少粉紅既感覺....
以前係就係搵到隻咁既色，但係賣成$98我唔捨得囉！...以家12蚊有交易！
我仲買左支送俾我朋友XD..不過我未得閒，如果用埋我買果支白色Mini French畫邊就完美了！
以下係Etude House送既少少禮物
個眼影呢支色都好易用...反而另外一罐我要諗下點用了
至於bb cream...正正是香港人專用色呀！w22...你睇...用係我唔太白既人道都好ok呀！
大家快d去睇下啦！！！
地址：九龍旺角豉油街24-26號地下2至4號鋪
請關注我 (*^－^*)
沒有留言:
張貼留言